भूक
भूक घनदाट जंगलात पेटलेल्या वणव्यापेक्षा जास्त भयानक असते पोटात पडलेली भूकेची आग उद्याचा सूर्य आपल्या पदरात काही पाडणार हे ठाऊक असून सुद्धा आलेली जाग,भयानक असते भूक भागण्यापूरताच असलेला संघर्ष क्षुल्लक असला तरी सोपा नक्कीच नसतो जगण्यासाठी माणूस सदा, किती डाव रचतो ? सूर्य गिळून आणि चंद्र पिऊन शमली असती भूक कायमची, तर किती बरं झालं असतं खोट्या विकासात आणि सडक्या आधुनिकतेत रमली असती भूक, तर किती बरं झालं असतं भूकेमुळे जीव जातो आणि भूकेसाठी जीव घेतला जातो स्वातंत्र्याचा अनेक सालानंतर सुद्धा 'गरीब' इथला पिचला जातो टरकन पोट फाडु वाटतं असलं तरी फाडायची हिम्मत होत नाही ताटात यावा घास अशी साली कधीच गंमत होत नाही एकीकडे सरता सरणार नाही इतकी रास धनाची, धान्याची मानसिकता त्यांची पण कुजक्या मनाची सढळ हात, हात राखून येतात पुढे ज्यांच्यामुळे वाचू शकतात, भूक भागली नाही म्हणून पडत असलेले मडे सहानभूतीच्या दृष्टीक्षेपात यायला हवी यातना त्यांची, याचना 'त्यांची' जगण्यासाठीची...